Tsipras paraqet planin politik të Syriza-s: Për një qeveri progresive! Paralajmëron lehtësime për marrjen e nënshtetësisë nëse vjen në pushtet

GREQI- Kryetari i Syriza-s, Aleksis Tsipras, ka paraqitur planin e tij politik duke e cilësuar si të domosdoshëm për “rifillimin” dhe “rigjenerimin" kombëtar me sloganin qendror “Për të rikthyer drejtësinë”.

Teksa parashtroi 6 pikave kryesore të asaj çka plani parashikon gjatë fjalimit tradicional të partisë më të madhe të opozititare në panairin e Selanikut, ai foli dhe për riformimin e integrimin social të emigrantëve.

“Integrimi social i emigrantëve është një shtyllë e nevojshme për të përballuar krizën demografike në të gjithë botën perëndimore .Duhet të bëhet edhe në vendin tonë në bazë të një plani.”, u shpreh Tsipras.

LEXO EDHE:
Dritan Hila: Pse Micotaqis duhet ta pranojë dorën e shtrirë të Ramës!

Tsipras tha se në se do të vijë në fuqi partia e tij, do të ndryshojë  procesin e marrjes së nënshtetësisë.

“Do të vendosim natyralizimin, me një proces duke marrë jo çdo kënd në intervistë, por me një përzgjedhje të rastësishme , ata persona që vërtetojnë  me dokumenta të ligjshme se kanë 25 vjet qëndrim në Greqi dhe ata që kanë lindur fëmijë në Greqi dhe këta fëmijë, në bazë të ligjit, kanë marrë nënshtetësinë greke.”,  u shpreh lideri i partisë Syriza.

S.C/Shqiptarja.com

TAG:
• emigrantet
• Aleksis Tsipras
• greqi
• shqiptaret ne greqi